1
Ig für mi Teu ha nid so äs Problem drmit am früeche Namitag azfa. Bi generell drfür, dass mr chli spile und aschliessend das ganze ire Siuveschterfiir lö la usklinge. (Düremache und ufe erscht Zug, oder evt. mitem Chare, aber de müessti vorhär chli penne. Isch aber eher mis Problem und löses äue de spontan ^^)

2
I ha generell nüt gäge Fondue izwände. Da Siuveschter isch dänki, wärde d Beize rächt usglaschtet si, vo däm här müesst me viellech sogar reserviere we me i Bärnerhof wett ga Pizza ässe. BK am Siuveschter? naja wär mau öppis nöis ^^
Wägem Ichoufe: dänke dä Tag zeut haut wine Samschti, würd mi nid verwundere we d Läde scho am 4i zuetüe. bi drfür, dass mr entwäder gnue früeh abmache und grad gö ga ichoufe, oder dass mrs vorhär verteile wär was mitnimmt.

3a
I dänke sone Kampf vorbereite isch no rächt ufwändig. Me chönnt sech überlege ob me haut "eifach" quasi ä Gruppekampf wott mache. Auso ä NPC-Gruppe baschtle und gäge die schleglet. Oder me cha sech ja bekanntlech o duelliere.

3b
Bi unbedingt drfür äs paar AP z verteile, dass me di "höchere" SF mau chli chönnt ateschte. Bedingt haut, dass me di entsprächende Regle list.

1. Mir egau. Je eher, desto besser. Chöi vo mir us am eis oder haubi zwöi abmache, we mer när no gö ga ichoufe. Oder maches haut wieder so, dass dr Bidu s Fondue mitnimmt De chöi Bume u ig no chli Chips/Bier/Schämpis etc ga choufe.

2. Wär öppe o für Fondue.

3. Chunnt haut druf a, was mer wei erreiche. Vo mir us gseh, sötts drum ga, die augemeine Sache wi Distanzklasse, Initiative usw flüssiger chönne abzhandle. Für das wäre Kämpf wi si i de Abentüür vorchöme am gäbigschte. Aber für Sonderfertigkeite chönne z bruche, chönnt me o Duell mache.
Wär fasch derfür, dass mer zwöi Teile mache. öb me für beid der glich Char brucht oder nid, isch ja egau. Zviu Ufwand mit Encounter oder sogar chline Abentüürvorbereitige faue äuä grundsätzlich wäg, da mer nüm so viu Zit hei.

3b. Theoretisch cha me d Chars o denn mache. Geit ja mit em Builder schnäu. Chöi üs aber o druf einige, was für "Szenario" mir wei mache, de cha me se ja o scho vorbereite.


Wi wärs, me mer mau chli Idee sammle für Szenario? Chöi mer üs ja när jede eis oder zwe usläsä, wo är vorbereitet und seit, was me für ne Char derzue söu mache.

Szenarios:

-Rittertunier
-Zwärgischi Drachetöter gägä Drache
-Fächt-Duell uf de nächtliche Dächer vo Vinsalt
-Belagerig vore chline Burg in Andergast
-grossi Fäud-Schlacht (z.B. im Orkensturm)
-klassische Dungeon-Crawl. Abentüürergruppe vs Monster

Zitat

---

-Zwärgischi Drachetöter gägä Drache Mr. Green

---

unbedingt! ^^

I hätt o nüt drgäge mau äs Ritterturnier ds spile.

Generell mues dr aber rächt gä, dass mr nümm viu Zit zum organisiere hei. Vo däm hät sött mes eher eifach haute.

Ja aso i ha derbi jetzt scho eher dänkt, d Kämpf i Vordergrund z steue u nid würkli no näbebi Sache vorzbereite. Meh haut das me e Ahautspunkt hätt, wie me si Char söu mache. (Äbä z.B. aus Ritter fürs Turnier. Gitt ja de immer no mehreri Diszipline wo me sich cha druf konzentriere.)

I dänke de spile mr äs Ritterturnier und boue d Chars vor Ort?

Jetz sötte mr no ä Zit abmache. Isch immerhin scho morn wos losgeit ^^

I dänke de spile mr äs Ritterturnier und boue d Chars vor Ort?

Jetz sötte mr no ä Zit abmache. Isch immerhin scho morn wos losgeit ^^

I würd säge so früeh wie müglech?

Und sötti jetz Fondue mitbringe oder choufe mr das im Coop? (wär sicher billiger)

Jo i würd sägä mir luege denn. Turnier isch ok, faus irgendöpper no öppis anders wott vorbereite, söu ers mache, süsch tüe mer de improvisiere. Wenn müglich haut Laptop mitnäh, dass me cha glichzitig Chars mache.

mache mer am 13.00h?

Naja das us dr Chäserei findi scho besser. Wett chasch, bring eis mit.

Ok.
De bringi Fondue für 3 Persone mit (oder si meh Lüt ume wo wei ässe?)
Usserdäm chönnti no d Chischte Burgdorfer bringe wo no bi mir lageret.

Jojo, nimschs mau mit. Bier hett no nie gschadt.