Vorbereitig/Ichouf:
- 22.07. Hani am Namitag Zit. Mues eifach ca. am 17.30 ds Burgdorf chönne abfahre, dasi rächtzitig as Spiu chume.
- 30.07. Hani Zit
- 02.08. Bini o ume.

Reis:
Allg:
- Tönt sowit vernünftig

Areis
- I dänke es wärde eher 12 Stung, aber das isch eher es Detail.
- I würd vorschla, dass mr sicher vor dr Abreis no mau richtig warm ässe. Und da ig drvo usgo, dass mr während em Wacken nid grad so usgwoge wärde ässe, bini o drfür, dass mr ä Raschtstätte sueche ungerwägs und dert o no mau vernünftig ässe. Choschtet natürlech meh, aus we me Sandwich mitnimmt, aber i finges besser, aus ä ganzi Wuche nur vo Fastfood und Grilliertem ds läbe

Abreis
-I vermuete, dass no meh Lüt di Idee hei, dass me i zwe Etappe chönnt fahre. Drum müesst me gli mau luege, ob me irgendwo öppis wett reserviere. Und evt. mues me haut o äs Stück vo Wacken wäg fahre, bis me öppis freis fingt.

Materiau:
- Bierzäut: Google nach Aktione het bis jetz no nüt ergä. Und faus mr üs äs vernünftigs choufe, würdi druf luege, dasses Sitewäng het. Bi Räge si die Goud wärt.
- Grill: Warte mr mau uf Jerus Antwort. Wasi aber bis Ändi Wuche mues wüsse: bruche mr no Grillazünder? Isch bis am 23.07. Ir Growa/Prodega Aktion. (Git diversi Arte drvo. (Houzwullebäueli, Würfuform, Stäbliform ^^ http://www.prodega.ch/DE/EXPRESS/Pages/express.aspx) We Zit blibt, chönnt me o am Friti ine Prodega/Growa fahre. Isch haut äs Stück vo Burgdorf us.)
- Fahnestange: Wi üblech, I cha o ohni würd aber o mitzahle wes ä günschtigi git.
- Klappstüeu: I mues mine mau aluege ob ärs no hett. Ha aber gseh, dases mis Modäu für 19.90 im Ochsnersport git (Shoppingmeile Lyssach (ha ghöre säge, äs gäb dert o Chopfchüssi zum ufblase ))
- Zäut: tönt aus wäre mr i däm Punkt guet usgrüschtet.
- mitem Aggregat müesse mr mau luege, bi generell nid drgäge, da me so d Chüeubox cha betribe.
- Chüeubox: Quasi äs Muss. Dr Swimmingpool isch ä gueti Idee. Fröie mi uf di erschte Schnapsleiche wo unger lutem Gegröle vor Nachbarschaft dristoupere ^^
- Tischli: Isch für 5 Persone evt. fasch chli chlin. Isch aber nid unmüglech, me mues ja nid no andere Plunder ussert em Täuer druf la sta.

Ergänzige:
- Wie gsehts mit Wägwärfbsteck us? Gäbs sicher o ir Growa/Prodega. Im Momänt aber grad nid Aktion (Aktione wächsle wüchentlech, cha süsch i nächschter Zit chli druf luege)
- Wägwärftäuer: Si bis am 23.07. Ir Growa/Prodega no Aktion. We me brucht, wär das äuä ä günschtigi Glägeheit. (100 Stk 10.70, Durchmässer 23cm)
- Äbeso wäri Serviette Aktion (eifarbig wiss, 500 Stk ufteut i 5x100 Plastikumschweissig für 7.20)
- beachte: Agabe si exklusive MWST.


@ WOA
- We me Fertiggricht wott chönne zuebereite, mues me entsprächend haut o ä Gaschocher und evt. Pfanne mitnä. Di bruche o Platz im Gepäck und da isch d Frag wie viu dass mr hei. Fänds generell scho guet, de chönnt me o chli Abwächslig i Menuplan bringe.
- Bini nid drgäge, de mues aber o gwährleischtet si, dass d Chüeubox nid verseit. Usserdäm müesst me chli ufd Verfaudate luege, geit immerhin ä Wuche.
- Isch beides öppis wo me haut o chli müesst plane. Me müesst quasi überlege, wenn me wieviu Fleisch verputzt und wie mängisch me am ne Stang isst. Zmingscht grob müesst me das mache, wüu süsch het meh
a) viu z weni drbi, was mässig schlimm isch, immerhin cha me dert ja nachechoufe
oder
b) viu z viu drbi, was müehsam wär, das Züg wieder mit zrügg ds nä unds evt. sogar düregheit.

Reis:

Areis:
-naja es si inkl nach Olte a Bhf 990km nach Wacken und ir Nacht sött me scho chönne fahre. cha eifach de si, dass es es Zitli geit bis mer ufs gländ chöme. aber öb me am Morge am 8i oder 10i achunnt isch ja glich
-ig bruche persönlich gloub ir Nacht nid unbedingt nomau öppis z ässe, we mer vorhär gö. aber i cha je de o es sandwich näh je nach däm.

Abreis:
-z problem we mer reserviere isch eifach, dass mer nid wüsse wo. nützt üs ja de nüt we mer 400km vorem Hotel im stou stöh. mi vorschlag wär, dass mer vorhär Jugis und Motel usesueche und haut när per Handy schnäu luege, wo öppis frei isch.
-faus me wott reserviere eher ir region Hamburg säuber
-e Punkt wo no isch: faus mer am Sunnti ir Nacht achöme, isch d Frag wi dr Bidu u dr Martin heichöme, bzw öb dr bi mir pennet. Wüu s ganze Züg müesse mer de äuä am Mäntig no putze...

Matrial:
-chlimaterial wi gschirr und azünder isch vom BYH nache no gnueg vorhande. und für einzelni artiku lohnt sich nid würkli, i d prodega z fahre. choscht ja o im migros nid aui wäut.
- fahnestange wärs mer lieber wett öppis dra zausch wes KE günschtigi gitt^^ (mues ja nid meh si)
-zur chübox isch eifach z sägä, dass si nüm louft we me d Musig ufdräit^^
-tisch isch ja weniger zum ässe dänkt aus zum chönne druf brot schnide u so. we öpper e grössere hett, wärs natürli geil. (chönnte o dr feschttisch ufe charre binge^^)

WOA
-fänds no easy, mau e dose ravioli oder spaghetti z ha zur abwächslig. s züg chönnt me ja äuä o dert choufe. ga fasch dervo us, dass mer eh mau ine supermarkt gö dert.
-gaschocher si e guete punkt. müesst me luege, öb ume si. unändlich platz brüchts ja nid. zur notfau chönnt me ja äuä o ufem grill choche. (obwou für 5 lüt geits äuä scho chli lang)

Si hütt gsi ga ichoufe. Abgseh vo Ässware etc sötte mer jetzt dr grossteil vom Material zämä ha:

Pavillon: Hei jetzt mau sones Falt-Teil kouft. Macht einigermasse e stabile idruck und isch s einzige (ussert di ganz billige) wo zum ne Vernünftige Priis erhältlich isch.
Pool: Winnie the Pooh^^ wird de luschtig 10mau hin u här z loufe zum dä fülle^^
Stüel: Hei drü vo dene kouft wo geng.
Grill: Mau öppis nöis: e Faltgrill.^^ Mau luege, öbs für öppis isch, wär haut zum mitnäh sehr praktisch.
Fahnestange: Isch nüt würkli vernünftigs erhältlich. Entweder z unpraktisch zum mitnäh, z tüür oder z längi liferfrischt. Wird aso wider öppis us aute Zäut- und Pavillonstange gäh.

Gloub das wärs so öppe... No e roti Glüehbire für i d Lampe.

EDITH: nachwivor offe isch d Frag wägä Gaschocher: neui choufe isch chli tüür: 50.- di chline ufsätz. i ha äbä nur dr gross gaschocher mit drü platte... Campingpfanne hätti drfür.