Ha mer mau no Gedanke gmacht wägem Pen&Paper. Auso wägem Mäntig:

Dr Bume weiss nonig, weli Zit, dass er am Mäntig heichunnt, söue mau ohni ihn rächne. Vilech chunnt er de no verbi, de chönnt me ja de no luege wis in Zuekunft louft mit P&P. Vo mir us gseh cha me am Mäntig entweder öppis Fun-mässigs spile oder mir teschte öppis mit potentiau für ne längeri Kampagne. Erschteres cha ja o es System si, wo mer scho kenne, z.B. Black Crusade oder soöppis wi denn das Goblinabentüür im Pathfinder. I würd nid öppis riisigs plane. Erschtens hei mer fasch ke vorbereitigszit meh und zwöitens wüsse mer ja när o nid öb me das wott witerfüere. Wär sicher guet we mer öppis hätte mit vorgfertigte Chars und nid am ne immens komplizierte System. I säuber ha leider nid dr huufe azbiete.

Deadlands
Isch sones Spaghettiwestern Wiud-West Steampunk System mit emne dunkle Twist (muhaha). Hei scho mau eis gspiut gha mit em Alex und Bidu. Isch eher umständlich vor spiuart här aber durchus no luschtig und eher Storytribe. S Setting isch so chli wi dr Fium Wild Wild West, es gitt aues wo me us Westernfiume kennt: Sherrifs, Indianer, Soudate, Bandite, Mexikaner aber ou verrückti Wüsseschaftler, Priester (chöi göttlichi Magie würke) und Fauschspiler (ou e Art Magie). Has denn nur gleitet, Bidu cha vilech meh sägä, wi ners aus Spiler hett gfunde.

Warhammer
Larä hett ja mau eis wöue teschte. Wär haut vo vorteil wüu mer d Regle scho kenne. Aber isch chli d Frage weles. Theoretisch chönnt me mau s 2nd Endition Dark Heresy probiere. D Regle hätti, aber no nie agluegt. Süsch blibe öppe no Black Crusade wo immer geit und Deathwatch, woni aber haut nid weiss öb aui so fröid hei, e Space Marine müesse z spile.

Pathfinder
We aui Stricke risse, hani ou no e huufe Einzuabentüür fürs Pathfinder.

Wär eifach guet, we mer üs bis am Fritig abe uf öppis geiniget hei, dass me no chli vorbereitigszit hett.

Süsch augemein mues i sägä, dass i nonig viu witercho bi. Ha gmerkt, dass die Sache wo mi interessiere meischtens System si, woni süsch vo irgendwohär kenne. Hätt z.B. no es Games of Thrones System wo sehr geil wär, we me mau wett Ritter+Gefolge spile. Oder sueche o scho lang es Zombie Survival RPG aber ha no kes gschids gfunde. Gloub das chunnt eifach chli drvo, dass i momentan nid so dr Elan ha, mi ine komplett nöi Wäut izläsä ohni när z wüsse öb me di Sache brucht. Wär haut fasch eifacher ire Wäut z spile, wo me scho kennt. Aber es müesses haut aui öppe kenne und es isch glich ke automatische Erfoug (siehe WH40k).

De schribi mau mit drzue wasi so uf di Schnelle chönnt usem Huet zoubere:

Vampires
Wie dr Name seit geits um Bluetsuger und so Zügs. Untoti zieh heimlech d Fäde vor Wäut vo de Stärbleche und das scho sit langer Zit.
Die meischte kennes ja scho und wüsse wie dases öppe louft. Es Abentüür ds ersteue isch i däm System nid so schwär, vo däm här chönnti das bis am Mänti vorbereite.

Warhammer
D 2nd Edition vom DH hani nid und kenne o d Regle no nid. I hätt aber grundsätzlech e Idee wie dasi es Abentüür chönnt gstaute. Das wär evt. sogar usboubar uf mehreri Sessions, aber das wär am Mänti ja nid ds Ziu.

Im Deathwatch würdi abiete es Battle usemne Heresybuech z stibize und nech dert la mitschlegle. Säubschtverständlech cha me das Battle o us Sicht vo Chaosahänger ustrage (Im Black Crusade Stiu), dert isch aber drvo us ds ga, dass d Chars d Teschtsession nid überläbe. Ussert dür geniali Idee chönne d Events so dräit wärde, dass ds Imperium schliesslech scho churz nach M30k faut.

Shadowrun
Ds System kenne aui und i hätt ds eint oder andere Istigerabentüür parat. So wini de Diskussione entno ha isch das System oder besser gseit ds Setting nid so erwünscht, füehres dr Vouständigkeit hauber aber glich uf.

Generell gibi am Schölu rächt, dases weni Sinn macht am Mänti es komplett nöis System ds teschte, da d Zit zum Vorbereite und auefaus finde schlicht ds knapp isch.
Ig persönlech bi (wie dr Scheru richtig bemerkt het) eher dr Typ wo e Story wott verzeue weni leite, drum bini o scho länger uf dr Suechi nachemne passende Storytellersystem fürd Gruppe. Grundsätzlech würd da Vampires rächt guet funktioniere dänki, me müesst aber im Vornherein chli abkläre was ir Spiuwäut normau und was ussergwöhnlech isch, da dran hets bim letschte Mau gloub chli gschiteret (nid ufs Teschtsessionabentüür bezoge)