Da i nid weiss, öb mers mau no schaffe, aui zämä z hocke, fragi mau hie:
Wie gseht dirs mit em Rüümli witerfüere? Ig frage mi eifach chli, öb mer würkli no wei 1500.- zahle für d Mieti bis ändi Jahr we ja eh nie öpper chunnt cho spile oder male. Mi röit z Gäut für das eigentli chli.

Di nächschti Frag wird de si, was mer mit em Züg mache, wo ar Gruppe ghört. Gländ, Tisch, Ruine etc....

Di Frag steut sich einewäg de langsam, ändi Jahr müesse mer sowieso use und mit dr momentane Aktivität wi si isch gseh ig nid würkli e Zuekunft für nes nöis Rüümli wo mer irgendwo miete.

Jo das stimmt, i letzter Zit isch nüt gloffe i dere Beziehig.

Weiss haut nid, obs drmit zäme hanget dass mr wieder hei agfange Pen & Paper z spiele.
Und so wies im Momänt louft, machts nid würklech viu Sinn ds Rüümli i dere Form ufrächt z erhaute.

Was me mitem Gruppemateriau macht, isch tatsächlech e gueti Frag. I gseh fougendes aus Variante:

- me lagerets irgendwo i (was ds Problem nid löst sondern nume vertagt)
- eine wotts für sich und müesst wahrschinlech öppis drfür zahle
- aune ischs egau und mir verhökeres uf E-Bay und gö üs mitem resultierende Erlös ga betrinke

Zum das mau wider ufgriffe:

Bis Ändi Septämber hei mer ja jetzt no zaut. I würd vorschlah, dass mer das grad aus Ändtermin näh zum s Rüümli useruume. I bi dr ganz Oktober im WK und spötischtens im Dezämber irgendwenn müesse mer eh use.
Es söu doch jede afe mau sini Models + sis Bastuzüg useruume, när luege mer was mer mit em Räschte wei. I cha fürs erschte d Ruine u das Züg no ire Schachtle bi mir ufe Estrich gheie, faus üs nüt bessers i Sinn chunnt.